Lhokseumawe | InfoLhokseumawe.com — Wali Kuta Lhokseumawe Sayuti Abubakar geu ulang lom peunteng jih untuk ta libatkan ureung keurija (SDM) ngon poe useuha aseuli daerah lam mandum kegiatan syarikat-syarikat rayeuk, khusus jih lam industri minyeuk ngon gaih (Migaih), nyang geu peujak buet lam wilayah Kuta Lhokseumawe. Pernyataan nyoe dipeugot nakeuh lheuh keukhawatiran masyarakat teuntang peluang keurija nyang teubatah keu asoe lhok.
Pak Wali geupeugah haba nyoe watee meurumpok ngon geudeungoe langsong haba dari anggeta masyarakat Kelompok Kerja Simpang Pertamina Hagu Teungoh dan Hagu Selatan (Pokja) di Meunasah Gampong Hagu Selatan bak uroe Hameh seupot (tanggai 6 buleuen Siblaih thon 2025).
Anggeta masyarakat bak forum nyan secara khusuh geusorot proseh rekrutmen bak PT Pertamina Patra Niaga, nyang geuharapkan akan geuprioritaskan ureung keurija dari Lhokseumawe.
Geujaweuëb hai nyan, Pak Wali geupeugah bahwa Peumeurintah Kuta Lhokseumawe na komitmen untuk geupeukong penyerapan ureung keurija asoe lhok seubagoe langkah nyata untuk geupeukureung pengangguran. Gobnyan geu teukankan bahwa syarikat nyang geu peu jak buet di Lhokseumawe wajeb geubri manfaat nyang nyata keu masyarakat seukitar jih ngon kon semata-mata fokus bak mita laba keu droe sagay.
“Kamoe meuheut masyarakat lokal jeut keu leubeh daripada tok jeut keu peunonton. Peurusahaan-peurusahaan rayeuk wajeb geubri ruweuëng keu ureung keurija dan poe useuha lokal untuk ikot seureuta, peukeuh roet rekrutmen terbuka maupun roet kemitraan bisnis nyang adee,” teugaih Sayuti.
Seubagoe tindak lanjot, Peumeurintah Kuta Lhokseumawe jinoe teungoh geukaloen lom Undang-Undang Teunaga Keurija. Peuraturan seugolom jih geubri mandat jatah ureung keurija lokal 40 peursen keu peurusahaan. Meulalui revisi nyang teungoh geusiapkan jinoe, jatah nyoe akan dipeu ek jeut keu 60 peursen untuk geupeuluwaih ngon geupeuseuimbang peuluweung keurija bagi asoe lhok.
Di lua peuluweung buet, Pak Wali pih geupeugah peunteng that kemitraan antara peurusahaan rayeuk ngon usaha ubeut ngon seudang (UMKM) lokal. Gobnyan geupateh bahwa deungon na roeh peungusaha lokal lam rante pasokan industri akan geupeukong timoh ekonomi wilayah.
“Geutanyoe na keukayaan, ureueng keurija nyang teurampil ngon peungusaha lokal nyang kompeten. Ka troh watee untuk ta manfaatkan potensi nyoe untuk ta dukong kegiatan industri sampoe manfaat ekonomi nyan beutoi-beutoi meu untong keu geutanyoe keudroe,” kheun gobnyan.
Rapat nyan geuhadiri cit le Direktur PT Pembangunan Lhokseumawe (PTPL) ngon Keupala Dinaih terkait laen. Acara nyoe jeut keu sarana untuk peukong hubungan antara peumeurintah, masyarakat, peurusahaan deungon cara geupeugot meupakat teubuka ngon mita solusi meusajan.
Pak Wali Sayuti geusimpulkan deungon geu teukankan bahwa Peumeurintah Kuta Lhokseumawe akan teutap geudeungo aspirasi masyarakat dan geuperjuangkan peuluweung keurija nyang adee keu asoe lhok, untuk geupeupastikan bahwa peumbangunan kota nyan na manfaat keu rakyat jih. []
